Outreach Worker ten Trainning an nei mek.....

Kan Outreach Worker te chu STRC in Trainning  21st - 25th June, 2011 a RRTC Conference Hall a ORW te tana a buatsaih " Trainning Programme on Planning & Communication Module for HRG ( Core & Composite) TIs " an an tel mek. Tin STRC buatsaih tho "Refreshers Trainning on Data Collection Tools"  7th - 10th June, 2011 a neih ah kan Accountant ( 7th June), Nurse( 8th June) & Project Manager ( 9& 10 June)  te an lo tel tawh bawk

ICFAI University, Tripura Zirlai ten Internship Programme an nei mek.....

ICFAI University, Tripura zirlai te chuan Living Hope Ministry ah Internship Programme an nei mek a, Zirlai paruk (6) anni a, May 23, 2011 atanga tan in July 16, 2011 thleng hun an hmang dawn a ni. An awm chhung hian Living Hope Ministry hnathawh dan kalphung te zir in kan hnathawh hrang hrang ah te an tel ve thin dawn a ni. Hetiang Internship Programme hi Living Hope Ministry ah hian tum hnih an rawn neihna a ni ta, a lawmawm kan ti hle...

Living Hope Ministry in Thawktu thar kan nei zel e....

Living Hope Ministry chuan thawktu thar kan nei zel a, Pu Alan Lalmuanpuia, Project Manager a awm tawh loh avangin Accountant ni lai H.Laltanpuia chuan Project Manager hna hi a chelh chho dawn a, tih Accountant thar atan K.Lalremruati chu lak ni in June1, 2011 khan Accountant hna hi a rawn zawm ta bawk a. Tin kan Outreach Worker tanglai Laltanpuia Chawngthu chuan hna dang a hmuh tak avangin Living Hope Ministry a chhuahsan a, kan ui hle a ni hmun ruak ah hian Lalhruaitluanga Renthlei, Hunthar Veng chu a rawn lut ve ta bawka. Kan Outreach Worker fans ngah  tak R.Lalruata chuan M.Th  Pune lama a zir dawn tak avangin min chhuahsan ta bawk. Ruata hmunruak hi H.Vanlalhuma, Vaivakawn in a rawn luah ve ta bawk. Staff thar kan awm belh zel a, a lawmawm hle a, chutih lai erawh chuan chhuak ta te kan ui hle bawk a ni.

Pu Alan Lalmuanpuia'n Living Hope Ministry a chhuahsan ta.

Living Hope Project Manager hna hun rei tak lo chelh tawh Pu Alan Lalmuanpuia chuan NACO North East Regional Office hnuai ah District Programme Officer (DPO) hna a zawm tak a vangin Living Hope Ministry Project Manager hna chu a chawlh san ta. Aizawl District a TI Project hnuai a DIC  thenkhat leh Champhai District a  vil dawn ni in kan lo hria. Living Hope Ministry a thawktu te leh Board Member te chuan kan ui hle a, a hna thar a thawh na ah duhsakna sang ber kan hlan bawk a ni. Living Hope Ministry tan a a hnathawh te ka hre reng dawn a ni.  

"Seminar Cum Training For Church Youth Leaders' ah kan Project Manager

Living Hope Ministry Project Manager Pu Alan Lalmuanpuia chu February 16, 2011 khan SHALOM ten CRWRC, EFICOR leh TEAR Australia te nen tangkawpa 'Seminar Cum Training For Church Youth Leaders' Chaltlang Tourist Lodge-a an buatsaihah Resource pakhat atan hman a ni. Hetah hian "Mizo Thalaite leh Ruihhlo hmansual" tih paper a present a ni. Paper present-tu dang Female Sex Worker lam ah N. Samuela, New Life Home Society Project Manager leh MSM lam-a paper present tu Pi Christina Lalrindiki, Project Director FXB Mizoram te an ni. Heng bakah hian SHALOM lam atangin Dr. Chawnglungmuana leh Jerome Lalhuapzauva ten Paper present-in training hun pawh an kaihhruai nghal a ni.  

He seminar-ah hian Aizawl khawpui chhung bakah District danga Kohhran Thalai hruaitu sawm bik mi sawmriat vel bawr te nen nilengin hun an hmang a, tlaiah zanriah tuihnai tak an buatsaih sak nghal a ni.

Resource te hi download theih a ni e.
1.Thalaite leh Ruihhlo Hmansual
2.Thalaite leh Sex
3.Training Presentation
4. HIV & AIDS -SHALOM

Peer Educator Zara U Thi

Living Hope Ministry hnuaia Peer Educator senior berte zinga mi Zarzokima unaupa Zothanhranga (Hranga) chu February 18, 2011 zing dar 7:15 khan Durtlang Synod Rescue Centre-ah kan chan ta. Hranga hi February 14 (Thawhtanni) khan Damdawiin-a admit tuma an hruai chu seat an chan loh avangin Rescue Centre lamah hian an admit ta zawk a. Damlo chhia buaipui ngai em em nilova an ngaih avangin hetia a thih thu hriat a han nih tak thut-ah hian a chhungte leh amah enkawltute hrilh a hai hle a ni. A ruang hi Durtlang Leitan South YMA-te chuan kuangah khungin an in lamah an thawn a, a thihni vek hian Vaivakawn thlanmual-ah vui liam a ni.

Zara te hi kohhran-ah chuan Seventhday Adventist an ni a, Vaivakawn-ah hun rei tak in leh lo neia khawsa an ni. Zara nu Pi Thanpuii hi Dr. Kenneth Chawngliana farnu a ni nghe nghe.Lusun chhungte Living Hope Ministry Staff ten kan tawhrpui takzet a ni.

Community Events February 4, 2011 Reiek-ah

2010-2011 Project Year chhunga Community hnuhnung ber chu February 4, 2011 (Zirtawpni) hian Reiek Tlangah neih muah muah tur tiin Living Hope Staff & Community te chuan an rel a. Nuam khat viau tura ngaih a ni. He tlangah hian, tun tum lo pawh kan lo inhawrkhawm zauh zauh tawh a, kan inhmeh riau a ni ang....

Khua hi han tha em em phawt mai se....

Va ngaihawm ve aw.....

RK- kan va ngai dawn che ve aw.....

Miss Manguri chu ngaihawm dawn fu ni....

Min request chuan hla khat chu ka nei hreh lo a nia...RB

Billy!  i naute ho hi khawnge le....

Kan kim tawh dawn lova...

Sa bel en thup ila.....akeeekeeekee....

Lam thai leh miah miah ila....

Ei leh in hi tel ngei se....a puar theih deuh

Zori pawh ngaihawm dawn ni....

Mafaki chu he Khawvelah a awm ve tawh lova.....

Lunglen thlak dawn fu mai.....