AMRO nen Networking

September 16, 2011 ( Friday) khan AMRO Drop In Centre te nen thawh ho na tha kan neih theih na tur in Football khelh a ni a, tlaiah chawhlui kilho na neih nghal a ni. Football hi YMA Field, Vaivakawn ah neih a ni a, tlaiah Living Hope Ministry DIC ah chawhlui kil ho a ni, kan hlim tlang hle. Football match ah hian Living Hope Ministry la 2-1 in kan chak hram a ni. He hun ah hian NGO pahnih a thawktu te kan kal tha hle a, inpawh tlan na tha tak kan neih phah a ni. Hun lo kal leh tur ah pawh programme neih ho leh kan la tum ni.

Add caption

Outreach Worker ten Trainning an nei mek.....

Kan Outreach Worker te chu STRC in Trainning  21st - 25th June, 2011 a RRTC Conference Hall a ORW te tana a buatsaih " Trainning Programme on Planning & Communication Module for HRG ( Core & Composite) TIs " an an tel mek. Tin STRC buatsaih tho "Refreshers Trainning on Data Collection Tools"  7th - 10th June, 2011 a neih ah kan Accountant ( 7th June), Nurse( 8th June) & Project Manager ( 9& 10 June)  te an lo tel tawh bawk

Living Hope Ministry in Thawktu thar kan nei zel e....

Living Hope Ministry chuan thawktu thar kan nei zel a, Pu Alan Lalmuanpuia, Project Manager a awm tawh loh avangin Accountant ni lai H.Laltanpuia chuan Project Manager hna hi a chelh chho dawn a, tih Accountant thar atan K.Lalremruati chu lak ni in June1, 2011 khan Accountant hna hi a rawn zawm ta bawk a. Tin kan Outreach Worker tanglai Laltanpuia Chawngthu chuan hna dang a hmuh tak avangin Living Hope Ministry a chhuahsan a, kan ui hle a ni hmun ruak ah hian Lalhruaitluanga Renthlei, Hunthar Veng chu a rawn lut ve ta bawka. Kan Outreach Worker fans ngah  tak R.Lalruata chuan M.Th  Pune lama a zir dawn tak avangin min chhuahsan ta bawk. Ruata hmunruak hi H.Vanlalhuma, Vaivakawn in a rawn luah ve ta bawk. Staff thar kan awm belh zel a, a lawmawm hle a, chutih lai erawh chuan chhuak ta te kan ui hle bawk a ni.

Peer Educator Zara U Thi

Living Hope Ministry hnuaia Peer Educator senior berte zinga mi Zarzokima unaupa Zothanhranga (Hranga) chu February 18, 2011 zing dar 7:15 khan Durtlang Synod Rescue Centre-ah kan chan ta. Hranga hi February 14 (Thawhtanni) khan Damdawiin-a admit tuma an hruai chu seat an chan loh avangin Rescue Centre lamah hian an admit ta zawk a. Damlo chhia buaipui ngai em em nilova an ngaih avangin hetia a thih thu hriat a han nih tak thut-ah hian a chhungte leh amah enkawltute hrilh a hai hle a ni. A ruang hi Durtlang Leitan South YMA-te chuan kuangah khungin an in lamah an thawn a, a thihni vek hian Vaivakawn thlanmual-ah vui liam a ni.

Zara te hi kohhran-ah chuan Seventhday Adventist an ni a, Vaivakawn-ah hun rei tak in leh lo neia khawsa an ni. Zara nu Pi Thanpuii hi Dr. Kenneth Chawngliana farnu a ni nghe nghe.Lusun chhungte Living Hope Ministry Staff ten kan tawhrpui takzet a ni.

Misualin DIC rawk

May 14, 2009 zing dar 9 vela kan DIC hawng tur Outreach Worker Lalnunseii chuan Misual hnuhma a hmu.
DIC Kawngkapui hi Tala lian ve deuh taka kalh a ni a, nimahsela May 14 zingah hian mi tutih hriat loh ten an lo karchhia a ni tih hmuh a ni. Tala kar chhiat nan hian Vaivakawn Bazar-a "Bazar Vawng Fai Rawh" tih an tarna thir (Rod) chu a frame chawpin an hmang a, a sir kilkhatah an lo hnutchhiah nghe nghe a ni. Inchhung bungrua zingah Gas Stove double leh Cylinder bur khat chu a lo awm lova. A rang thei ang berin Vaivakawn Police hriattir an ni a, FIR te kan ziak nghal a, Police lam hian theih tawp chhuaha zawn an tum nghal a ni.

He misual vek ningeia ngaih chu May 18 zan khan lut nawn lehin DIC kawngkapui Tala pahniha kalh chu a karchhe leh a, hemi tum hian LG company Television set chu an lachhuak leh a, mi pakhat mai nilovin mi pahnih emaw tal chu an chet dan atang hian niin an lang a ni. Hei pawh hi kan hriat velleh May ni 19 zingah Vaivakawn Police hriattir leh nghal an ni.

Living Hope Ministry hi mi thahnemngai tak tak ten an neih ang ang te vawm khawmin Dressing bungrua chhuan sova tih thinghlim nan Gas pawh hi kan mamawh ani tih a hmun ngeia min hnuhpuitu Pu Lalngurliana Sailo te chhungin min pek (Donate) a ni a. Hun engemaw chen kan hmang a, chhun thingpui lum nan leh Dressing bungrua chhum so nan kan hmang ber a.

Hmanrua kan neih loh em avangin leh hmun khat maia heng thil chi hnih hi kan tih thin avangin hmanraw chhuansonaa thingpui lum mai chang kan nei dawn dawn ta mai a. Hei hi hriselna atan thil tha lo thei tak a nih avangin a hrang hlaka Dressing bungrua chhumna tur leh thingpui lumna neih tha kan ti hle a. Kan Board member Nl. Rosalyn C. Vanlalruati pa Pu RC Daniela chuan phal takin a Gas Cylinder thla tam tak chhung min hman hawh tir a. NGO-in sum tlem tlema kan khawl chu Gas Cylinder lei nan kan hmang ta a, hemi hnu hian Gas Bur mi ta kan hawh pawh kan pe ve thei chauh a ni. Hetianga harsa taka Gas bur pahnih kan neih hnu lawk hian Misual tu tih hriat lohvin kan DIC kawng ka chu karchhiain min lo ruk chhuah sak tawh a. Hei ni nikum lam tawh a ni a. Hetiang a lo nih tak avang hian kan in luahna neitu Pi Liannguri chuan an mahni hmanlai Gas bur pakhat chu min hawh tir a, Gas stove pawh thawktuten pawisa an lo khawl khawm hmangin kan lei leh ta ngawt mai a. Hetianga mi Gas bur hawha kan kal mek lai hian tunah Gas Bur leh Stove chu DIC kawngka karchhia bawkin min lo ruk sak leh ta a ni.

Hetianga Ruihhlo avanga harsatna tuar, Damdawiin leh inenkawlna hmun danga sum seng pawha an enkawl that duh mang lohte a thlawna an hliam enkawl saka duat taka kan buaipui chung pawha harsatna min siam sak fotu hian ngaihtuah chiangmang lova thil a ti a nih a rinawm a. Hetiang ti lo theilo dinhmuna a ding hi tawngtaipui a ngai hle ang tih a rinawm.

Pathian malsawmna tam tak an dawng a, "LALPAN a pe a, LALPAN a la leh ta a; LALPA hming chu fakin awm rawh se," tia Joba'n Pathian a fak anga keini pawhin Pathian kan fak ve theih a ve duhawm em!!!

Mahruaii'n Min Vei

Nl. Lalhruaitluangi Sailo, Evangelical Fellowship of India hnuaia chanchinbu lama hna thawka New Delhi a awm mek chuan kan chanchin te ngaihvenin min vei thin hle tih thu kan dawng a, lawmawm kan ti hle. Nl. Mahruaii hi Living Hope Ministry dinchhuaktute zinga mi a nih bakah Secretary hna chelh hmasa bertu a ni. Kum 2007 June vel atang khan Pathian kohna chhangin a hna thawhlai kalsanin mahni inhlawh chawpa Pathian rawngbawl turin MAURI kaltlangin a pen chhuak a. A rawngbawlna atan a pawimawih dawn tih hria in Journalism lam a zir a, tha takin a pass a, tunah hian EFI chanchinbu AIMS chu enkawlin New Delhi-ah a awm mek a ni.
April 20,2009 chawhma lam khan min rawn phone a tum a, mahse phone chiankuan loh deuh avangin kan inbe hleithei ta lova, min vei rengtu leh kan Ministry tana thahnem ngai taka min tawngtai saktu kan nei hi vannei kan inti hle a, Lalpan a rawngbawlna malsawm zel se kan duhsak hle a ni.

Annual General Meeting cum Annual Review Meeting

April 18, 2009 khan Living Hope Ministry Annual General Meeting cum Annual Review Meeting chu Vaivakawn Presbyterian Gospel Centenary Hall-ah hman a ni. He hunah hian Living Hope Ministry bul tantirh lai atanga member pawimawh tak tak an lo tel thei a, a bik takin Pu Ngurliana Sailo lo tel chuan he meeting hi a ti phuisui hle a ni. Living Hope Ministry-a Accountant hna lo thawk tawh Pu Darchhawntluanga pawh phur takin a lo tel thei a, meeting recording secretary atan hman a ni nghe nghe a ni. Tin, Living Hope Ministry-a Outreach Worker lo thawk tawh thin Nl. Laldinpuii, tuna Arunachal Pradesh-a Synod Missionary a kal ta pawh a nu Pi Lalremsangi a lo tel thei bawk. Board lam pawh an kim tha hle.

He meeting ah hian Report hrang hrang ngaihthlak a ni a, Ministry Secretary Pu V. Laltlanliana'n Secretary Report a pe a, Financial Report te, Project Area report leh Annual Report te ngaihthlak a ni. Hei bakah hian fuihna thu tha tak tak ngaihthlak a ni a, Pathian hnena in hlanna leh Tawngtairualna hun te hman a ni bawk. Upa Lalhluna, Senior Adviser Rawngbawlna dang avanga Manipur lama zinbo tih loh chu Board Member te pawh an kal kim a ni. Rev. CM Zalenthanga Senior Adviser, Chanmari chu Jarkhand Field-ah kal tura thlawhna ticket la fel vek tawh a ni a, mahse khuain a zir tak loh avangin an flight cancelled a ni a, he meeting-a hunserh hmang tura ruat a nihna pawh a rawn ti hlawhtling leh thei a, lawmawm kan ti hle a ni.
Tlai dar 4:30 velah meeting hi zawh fel a ni a, Lalpa Tawngtaina chu Living Hope tihdan thin angin inkai kuala sawi rual a ni. Zanriah tuihnai tak fatu ruat bik ten an lo siam chu meeting zawh hian kilho a ni.

Peer Educator Thar lak anni ta

Living Hope Ministry Peer Educator thawk turin mipa pakhat leh hmeichhia pakhat lak thar an ni a. Heng Peer Educator tharte hian April 13, 2009 atang khan an hna thar an zawm a, In House Training an nei nghal a ni.
Peer Educator atana lak tharte hi Nl. Lalnunpuii, Edenthar leh Tv. H. Lalchhanhima Kanan te an ni a, anmahni veng ve ve ah hna an thawk nghal dawn a ni. Edentharah hian Peer Educator Pi Lalrosiami chu thawklai mek a ni a, Nl. Lalnunpuii nen hian an thawk dun dawn a ni. Outreach Worker Nl. Lalnunseii chu kum thar April thla atang hian Kanan Bial vawng turin a insawn dawn bawk a ni. Kanan bialtu Outreach Worker Tv. Laltanpuia Chawngthu chuan Edenthar hi a bial ve thung dawn a, tluang tak leh tha taka an thawh theih kan duhsak a, Veng mipuite pawh heng kan thawktute thiam taka lo thawhpui turin kan beisei a ni.
Kanan Vengah chuan Tv. H. Lalchhanhima leh Tv. PC Lalthanmawia ten Peer Educator hna hi an thawk dawn a, kan bial chhung veng dangah chuan thawktu inthlak an awm lem lo a ni.

In House Training

Project Year 2009-2010 atan a hmasaber ni turin April 13-15, 2009 chhung hian Living Hope Ministry TI Project Staff zawng zawng tan 3 Day In House Training buatsaih a ni dawn a. Hemi chhung hian Outreach leh hna tul dang chu remchan dan ang zela thawh mai tur a ni dawn a ni. He training ah hian Resource atan Project Staff te hman an ni dawn a, hetiang hian Training Schedule pawh siam a ni.

DAY I

Time	Topic	Resource Person	Remarks
10:00 – 10:15	Devotion
10:15 – 10:30	Introduction Session	Alan Muanpuia, Project Manager
10:30 – 11:30	NACP III	Alan Muanpuia, P M
11:30 – 12:30	DIC – Importance & Role	Lalnunseii, ORW
12:30 – 1:00	LUNCH BREAK
1:00 – 2:30	Staff Roles & Responsibilities	Lalthanpuii, Counsellor
2:30 – 4:00	Harm Reduction & Sobriety	Lalruatkima, Peer Counselor
4:00 – 4:30	REVIEW & DISCUSSION

DAY II

Time	Topic	Resource Person	Remarks
10:00 – 10:15	Devotion
10:15 – 10:30	Recap
10:30 – 11:30	NSEP & OD Management	James Lalrama, Peer Counselor
11:30 – 12:30	Outreach & Program Planning	Laltanpuia Chawngthu, ORW
12:30 – 1:00	LUNCH BREAK
1:00 – 2:30	STI & Abscess Management	Lalrinmawii Ralte, Nurse
2:30 – 4:00	Detail costing & Finance	H. Laltanpuia, Accountant
4:00 – 4:30	REVIEW & DISCUSSION

DAY III

Time	Topic	Resource Person	Remarks
10:00 – 10:15	Devotion
10:15 – 10:30	Recap
10:30 – 11:30	Condom Promotion	H. Rosangpuii, ORW
11:30 – 12:30	Counseling	Lalthanpuii. Counsellor
12:30 – 1:00	LUNCH BREAK
1:00 – 2:30	BCC	Alan Muanpuia, P M
2:30 – 4:00	Documentation with Formats	Lalnunseii, ORW
4:00 – 4:30	CLOSING & CERTIFICATE DISTRIBUTION

Annual General Meeting (AGM)

Living Hope Ministry Annual General Meeting chuBoard Committee-in April ni 11, 2009 atana a lo ruahman tawh chu remchan lohn awma hriat a nih avangin April 18, 2009 -a neih tura sawn a ni a. A hmun atan Vaivakawn Presbyterian Kohhran General Committee Room a ni ang. He hunah hian Living Hope Member zawng zawngte kim taka tel turin Managing Board Committee chuan an beisei a, tlai-ah Zanriah kilho nghal tura ruahman a ni bawk. Member la ni lo pawhin membership fee pein Living Hope Ministry-ah hian member a nih theih zel a ni.

Mitthi

Hunthar Venga kan Client C. Lalremruati (38) D/o C. Ngunchunga chu Kalna avangin April 8, 2009 chhun dar 11:00 khan Greenwood Hospital-ah a boral a, a ruang hi anmahni in, Hunthar vengah tlaivarpui a nih hnuah April ni 9 hian vuiliam a ni ang. Living Hope Ministry chuan kan uiin a kalsan a chhungte Pathianin thlamuan se kan duh em em a ni.

Project Proposal 2009-2010

Mizoram SACS in an hnuaia Project la zawng zawngte Project Proposal thehlut leh tura min beisei angin keini Living Hope Ministry pawhin kan thehlut ve leh dawn ta a. Tun tumah hian thil tihfel tur tam tak a awm a, kan Budget pawh a hma aia sangin kan han Proposed chhin a, eng tak ang ang i maw?? Mizoram puma NGO ten HIV/AIDS venna atana kan thawh hi Mizo mipuite tan thil hlu leh tangkai tak a ni a, mipui lam pawhin tun aia nasa zawka NGO te tha ti chak tura tan kan lak zel a pawimawh hle a ni. He kan Zoram hi Zoram nuam a siam turin mimal tin ten mawhphurhna kan nei a ni.