Living Hope Ministry: AMRO nen Networking

September 16, 2011 ( Friday) khan AMRO Drop In Centre te nen thawh ho na tha kan neih theih na tur in Football khelh a ni a, tlaiah chawhlui kilho na neih nghal a ni. Football hi YMA Field, Vaivakawn ah neih a ni a, tlaiah Living Hope Ministry DIC ah chawhlui kil ho a ni, kan hlim tlang hle. Football match ah hian Living Hope Ministry la 2-1 in kan chak hram a ni. He hun ah hian NGO pahnih a thawktu te kan kal tha hle a, inpawh tlan na tha tak kan neih phah a ni. Hun lo kal leh tur ah pawh programme neih ho leh kan la tum ni.

Add caption

Living Hope Ministry Hi

Kum sangbi thar (2000 AD) a Mizorama Thlarau Thianghlim hna thawh danglam tak lo lang chu Thlarau Thianghlim hriak thih (khawihthluk rawngbawlna) a ni a. Vaivakawn Presbyterian Kohhranin September 2001-a hetiang rawngbawlna a buatsaih tuma rawngbawltu inhlawm khawm chuan November 7, 2001 khan rawngbawltu huang tangkai a nih theih beiseiin Living Hope Ministry hi an din a ni. A tirah Presbyterian Kohhran atanga rawn zi chhuak ni mahse Kohhran anga kal lovin non-denominational a ni. He rawngbawlna hian ruihtheih thil avanga harsatna leh beidawnna ruama thute, natna khirh tak tak tawrh avanga beiseina nung nei tawh loten Isua Kristaah beiseina nung an lo hmuh leh theih nana tanpui hi a tum bulbui ber a ni a: hei vang hian a hming pawh hi 1Petera 1:3 – “Isua Krista thawhlehna avangin beiseina nung hmu turin min hring leh a..” tih thu tlawh chhana phuah a ni.
Pathian hruaina chang zelin June 1, 2004 khan Living Hope Ministry Counselling-cum-Drop in Centre (CDIC) hi mi thahnemngaite zarah hawn a ni a. Hemi hnu August 2005 atang khan Mizoram State AIDS Control Society (MSACS) hnuaia Targetted Intervention Project Intravenous Drugs Users (IDU) chu thawh tan a ni ve leh ta bawk. Tunah hian thawktu (Project Staff) mi sawmhnih chuang an awm mek a ni.

THIL TUMTE

Ø Taksa leh thlarau lama chakna neilote, nun tuihal ten chakna an neih theihna tura tanpui.

Ø Ruihhlo hmanga inchiu thin ten HIV /AIDS an kai lohna tura ven leh an thehdarh lohna tura ven.

Ø Zu leh ruihhlo dang sim tawhte kawng dik kawhhmuh leh tanpui.

Ø HIV/ AIDS leh STD natna umbo tura tan lak leh he natna chungchanga mipui vantlangin hriatna chiang tak an neih theihna tura zirtir.

Ø Ruihhlo avanga HIV/AIDS leh STD vei te zirtirna pe chunga ngaihsak leh tanpui.

Ø Ruihhlo hmanga inchiu thinte nungchang tha leh mi pangngai an nih theihna tura zirtir leh, Ram leh hnam, khawtlang leh chhungkuaa mi hmantlak an nih theihna tura zirtir.
Ruihhlo hmanga inchiu thinte (IDU) leh HIV hrik pai mekte (PLHA) te endawng lova tanpui an ngaih dan mipui vantlang zinga zirtir.

Labels

Wednesday, September 21, 2011

AMRO nen Networking

No comments:

Post a Comment