Mizoram TI Review Meeting on April 15, 2010 khan Chaltlang-a Social Welfare Conference Hall-ah Mizoram chhunga Targeted Intervention (TI) Yearly Review Meeting neih a ni a, hetah hian Living Hope Ministry chu titha ber pathum thlanchhuah zingah a tel hlauh mai.
Mizoram chhunga TI Project NGO 41 laiin kan thawk a, chung zinga a titha ber pawla kan awm theihna chhan chu Pathian vang niin kan hria a, hei bakah hian thawktu, Peer Educator tlawmngai tak tak ten anmahni hna theuh rinawm tak leh taima taka an thawhna rah a niin kan hria a, lawmawm kan ti hle. Hetih lai hian keini NGO hian kan thawh that bik chungchuanna a awm pawhin kan hre hran lova, kan hnathawh a rinawm taka kan thawh hi a pawimawh hlein kan hria a ni.
Tunah hian TI Evaluation kan hmachhawn leh dawn mek a, hetah hian kan hnathawh tak tak tarlang hman lo mah ila, hei hi kan intehna fung tur pakhat a nih leh dawn avangin a pawimawh leh hle dawn a ni. Midangte tanpui tura kan tha kan tih chak deuh deuh a tha hle ang.
No comments:
Post a Comment