Tuesday, March 24, 2009

Project Proposal 2009-2010

Mizoram SACS in an hnuaia Project la zawng zawngte Project Proposal thehlut leh tura min beisei angin keini Living Hope Ministry pawhin kan thehlut ve leh dawn ta a. Tun tumah hian thil tihfel tur tam tak a awm a, kan Budget pawh a hma aia sangin kan han Proposed chhin a, eng tak ang ang i maw?? Mizoram puma NGO ten HIV/AIDS venna atana kan thawh hi Mizo mipuite tan thil hlu leh tangkai tak a ni a, mipui lam pawhin tun aia nasa zawka NGO te tha ti chak tura tan kan lak zel a pawimawh hle a ni. He kan Zoram hi Zoram nuam a siam turin mimal tin ten mawhphurhna kan nei a ni.

Wednesday, March 18, 2009

Condom Vending Machine Hman theih


Hun engemaw chen Condom Vending Machine a khaihlak hnuin tunah chuan Modified Packet kan siam chawp a, a hma aia lang Quality zawk Condoms chu Vending Machine atangin cheng NGA thir hmangin a lakchhuah leh theih ta. Heng Vending Machine te hi Company Peng Bazar-ah leh Vaivakawn Phurhuai Stand-ah dah anni a, engtik lai pawhin vending theih a ni e.

Benny Lalfakmawia'n Nupui nei dawn


A tlangval lai chuan a riang ngei e, Picnic lai pawha mahni chauha mipui zi nuaih nuaih kara thu thei a ni a, mahse...mahse... riang tur reng a piang a ni hlei lawng e.
Living Hope Ministry-a kan Peer Educator thawklai Tv. Benny Lalfakmawia Chawnpui bialtu chuan March 19, 2009 ni tak hian nupui, a lungdumtu tak chu a nei dawn ta. Benny-a Nupui tur hi HMEICHHIA a ni a, a hming chu R. Lalthlamuani, Pu R. Lalpianthanga Fanu, Chawnpui veng a ni. Presbyterian Kohhran dan thianghlim (Biak In Hawng) in a nei dawn a, Inneih Inkhawm hi Chawnpui Kohhran Biak In ah chawhnu dar 1:00-ah a ni ang. Kan lawmpui hle mai. Outreach pawh a nuam sawt ang a thian ten an ti.

Saturday, March 7, 2009

OD Management ti thei reng

Living Hope Ministry Drop In Centre-ah hian Drug overdose (OD) kan uaipui thei reng a. OD Management hi kan staff ten an training chhuak deuh fur tawh a. Tunah hian OD buaipuina atan hmanrua kan neih te chu: Mi an lo OD chuan rang taka min rawn hrilh hriat theih nan 24x7 HELPLINE mobile kan nei a, 9862 389 181-ah hian biak pawh vat tur a ni. Tin, injection tha tak mai kan kawl bawk a, hemi damdawi hmang hian OD chu a dinhmun a zirin chhan theih a ni thin. Heng bakah hian OD Management a tan mitin ten kan hriat tur OD Enkawl dan Brochure chu Mizo tawnga buatsaih mek a ni a. Hun rei vak lovah chuan a thlawna sem theih mai tura ruahman a ni.

ICTC-ah target pha dawn

Pathian hruaina leh awmpuina avangin Living Hope Ministry chuan kan project year tawp chu kan lo thleng dawn leh ta reng mai a. Thawktute thohhona boruak a tha thei hle a, ICTC bikah phei chuan kan target 125 chu kan pha thei ngei dawnin a lang ta a, hei hi thil lawmawm tak a ni. IDU mi 500 zinga mi 125 te chu HIV an kai leh lai loh an thisen kan test thei ngei dawn a, hei hian kan rama HIV dar zel tur venna atan kan dinhmun leh tan lak kan ngaih dante min hrilh hle turah kan ngai a. Tin, NACO lam min beisei anga kan target kan tlin thei tur hi lawmawm hlein kan hria a ni.